انقرہ۔ 08 فروری (اے پی پی) ترک صدر رجب طیب ایردوان امریکی صدر ڈونلڈ ٹرمپ تون ٹیلی فون آ ہیت وگپ کرینے۔ وائٹ ہاﺅس نا رداٹ صدر ڈونلڈ ٹرمپ نا ترک صدر تون ہیت وگپ کم و ود 45منٹ اسکان برجاہ سلیس ہراٹی ہڑتوم آ کنڈآتا تعلقداری تا اہمیت آ زور شاغنگا۔ ترک صدارتی ذرائع نا رداٹ ہڑتوم آ سروک آک دہشت گردی نا برخلاف اسیجائی کوشست آتیا عملدرآمد نا عزم انا اعادہ کریر۔ صدر ٹرمپ پارے کہ اونا ملک نیٹو نا باسک ملک ترکی تون تعلقداری تے اہمیت ایتک ہرانا داعش نا سرکوبی کن جہد ستاکڑزک۔ چکار نا قابل ہیت دادے کہ داہیت وگپ انا دمدستی پد امریکی وزیر خارجہ ریکس ٹلرسن تون ٹرمپ اسہ اوڑدہی اس کرے۔
