ملک ءَ آپ ءِ ذخیرہ کنگ ءِ گنجائش ءِ تہا گیشی وھد ءِ لوٹ انت، میاں معین وٹو

اسلام آباد۔28جولائی  (اے پی پی): آپی وسیلگ آنی وفاقی وزیر میاں معین وٹو  ءَ گوشت کہ آپ ءِ ذخیرہ کنگ ءِ گنجائش ءَ را گیش کنگ وھد ءِ لوٹ اِنت، ڈائیمر بھاشا ڈیم ءِ منصوبگ آپ ءِ ذخیرہ کنگ ءِ گنجائش ءَ را گیش کنگ ءَ کمکی سہرا بنت۔ آئی ءَ اے ھیالانی درشانی سئے شمبے ءِ روچ ءَ وفاقی وزیر آنی گوما نیشنل ڈزاسٹر مینجمنٹ اتھارٹی ءِ تر ءُ تاب ءِ موہ ءَ میڈیا بریفنگ ءِ ساھت ءَ کت۔ وفاقی وزیر برائے آبی وسائل ءَ گوشت کہ پاکستان یک نیمگ ءَ سیلاب ءِ جاور ھال ءُ دومی نیمگ ءَ آپ ءِ کمی ءِ آماچ انت، ایشی ءَ را چیلنج آنی دیم ءَ انت، وھدیکہ فوڈ سیکیورٹی ءِ جیڈھ ھم مزنیں ارزشتے داریت۔ آئی ءَ گوشت کہ اے درستیں چیلنج یکے دومی ءَ گوں سیادی دار اَنت، پمیشکا آپی وسیلگ آنی جوانیں انتظامی المی اِنت ءُ ملک ءَ آپ ءِ ذخیرہ کنگ ءِ گنجائش ءَ را گیش کنگ ءِ ترندیں ضلورت اِنت۔ میاں معین وٹو   ءَ آپ ءِ جتا جتائیں منصوبگ آنی بابت ءَ گپ جنان ءَ گوشت کہ دیامر بھاشا ڈیم   یک مزنیں منصوبگ یے کہ ایشی ءِ تہ ءَ 6.4 ملین ایکڑ فٹ آپ ءِ زِر ءَ ایر کنگ ءِ گنجائش ھوار اِنت۔ داسو منصوبہ ہم ھاسیں آپی منصوبہ آنی تہا ہوار انت وھدے کہ مہمند  ڈیم ءِ تہا نزیک ءَ یک ملین ایکڑ فٹ آپ ءِ ذخیرہ کنگ ءِ گنجائش بیت۔ اے منصوبگ آنی سرجمی ءَ چہ نہ ایوک ءَ آپ ءِ ذخیرہ کنگ ءِ گنجائش گیش بیت بلکینگ ءَ آپ ءِ سپلائی ءَ را ھم گہتر کنگ بیت۔ آئی ءَ گوشت کہ کراچی ءِ کے فور منصوبگ ھم ھاسیں رنگ ءِ اِنت ءُ اے سال ءِ گڈ ءَ یا آیوکیں سال ءَ سرجم کنگ بیت ایشی ءَ چہ شہر ءَ آپ ءِ گہتری ءَ کمک رسیت۔