مزن وزیر ءِ سروکی ءَ توان برائے کابینہ کمیٹی ءِ دیوان ءَ پاکستان آئل ریفائننگ پالیسی 2023ءِ تہا پیش کرتگیں مٹ ءُ بدلی ءِ منظوری

اسلام آباد۔28جولائی  (اے پی پی): توانائی برائے کابینہ کمیٹی ءَ پاکستان آئل ریفائننگ پالیسی 2023 ءِ تہ ءَ پیش کرتگیں مٹ ءُ بدلی ءِ منظوری داتگ وھدیکہ مزن وزیر محمد شہباز شریف ءَ تیل ریفائنری آنی اپ گریڈیشن ءَ را وھد ءِ لوٹ لیک اِتگ ءُ گوشت کہ ریفائنری آنی تہ ءَ نوکیں لوٹ آنی گوما ھمگرنچیں رنگ ءَ ملک ءَ را 2023ءَ ھم کمک رسیت۔ درآمدیں ایندھن ءِ سر ءَ بڈوئی ءُ چاگرد دوستیں ایندھن ءِ پھجارینگ ءِ ھاترا دیم ءَ آرگ بوتگ۔ مزن وزیر محمد شہباز شریف ءِ سروکی ءَ توانائی برائے کابینہ کمیٹی ءِ دیوان سئے شمبے ءِ روچ ءَ مزن وزیر گس ءَ بوت۔ مزن وزیر کارگس ءِ میڈیا ونگ ءِ نیمگ ءَ چہ جاڑی بوتگیں بیان ءِ رد ءَ دیوان ءَ وفاقی وزیر احد خان چیمہ، محمد اورنگزیب، علی پرویز ملک، احسن اقبال، سیادی داروکیں وفاقی وزیر سیکرٹری ءُ مزنیں سرکاری کارندہ آں دیوان ءَ بھر زرتگ۔ پاکستان آئل ریفائننگ پالیسی 2023 ءِ ھاتر ءَ پیش کرتگیں ٹائم لائن ءِ منظوری دیگ بوت۔ مزن وزیر ءَ دیوان ءَ گوں گشتانک دیان ءَ گوشت کہ آئل ریفائنری آناں اپ گریڈ کنگ وھد ءِ ضلورت انت ءُ پاکستان ءِ سرجمیں توان سلامتی ءِ نظام ءِ یک ھاسیں کنٹگ انت۔ آئی ءَ گوشت کہ نوکیں لوٹ آنی گوما ھمگرنچیں ریفائنری نا ایوک ءَ ملکی توان ءِ ضلورت ءَ را گہتریں رنگ ءَ پیلو کنت بلکینگ ءَ درآمدیں ایندھن ءِ سر ءَ بڈوئی ءَ را کم کنگ ءُ چاگرد دوستیں ایندھن ءِ پجاری ءَ ھم کمک کنت۔ دیوان ءَ بریفنگ دیان ءَ آئی ءَ گوشت کہ استیں ریفائنری آنی کارکردگی ءَ را گیش کنگ ءِ واستہ استیں ریفائنری آناں اپ گریڈ کنگ المی انت۔ یورو 4 ءُ یورو 5 ایندھن ءِ پیداوار پاکستان ءِ میاں اوستمانی چاگردی زمہ واری آنی پیلو کنگ، ھوا ءِ آلودگی ءَ را کم کنگ ءُ الس ءَ را جوانیں کوالٹی ءِ ایندھن پجاری ءِ واستہ المی اِنت۔ مزن وزیر ءَ ہدایت کت کہ اوگرا ءِ کارکردگی ءَ را گہتر کنگ ءُ مارکیٹ ءِ ضلورت آناں پیلو کنگ ءِ واستہ اصلاحات آرگ بہ بنت تانکہ توان ءِ شوبگ ءَ مقابلہ، شفافیت ءُ سرمایہ کاری ءَ را دیمروئی دیگ بہ بیت۔ مزن وزیر ءَ اے گپ ءِ سر ءَ زور پر دات کہ نوکیں پالیسی ءِ سر ءَ کار کنگ ءَ پد ایشی ءَ جوانیں رنگ ءَ ءُ وھد ءِ سر ءَ عمل کنگ بہ بیت ءُ اے ھوالگ ءَ ھچ وڑیں لاپرواہی ءُ تاخیر برداشت کنگ نہ بیت۔ آئی ءَ سیادی داروکیں وزارت ءُ ادارگ آناں ہدایت کت کہ آ درستیں اسٹیک ہولڈر آنی گوما نزیکی ءَ برجم دارگ ءَ اصلاحات ءِ عمل ءَ را ترند بہ کن اَنت۔ مزن وزیر ءَ گوشت کہ حکومت توان ءِ شوبگ ءَ برجمیں اصلاحات، نوکیں ٹیکنالوجی ءِ دیمروئی ءُ سرمایہ کاری ءِ واستہ سازگاریں چاگرد ءِ پجاری ءِ واستہ ھمک رنگ ءِ گامگیج ءَ را برجاہ دار ایت۔ مزن وزیر ءَ براؤن فیلڈ ریفائنری ءِ ھوالگ ءَ پاکستان آئل ریفائننگ پالیسی 2023 ءِ دیمروئی ءِ واستہ قطر، سعودی عرب ءُ خلیج ءِ ایندگر ملک آنی تہ ءَ روڈ شو ءِ برجم دارگ ءِ ہدایت کتگ۔ مزن وزیر ءَ براؤن فیلڈ ریفائنری آنی ھوالگ ءَ ریفائننگ پالیشی ءِ تہ ءَ مٹ ءُ بدلی ءِ ھوالگ ءَ وزیر پٹرولیم ءُ آئی ءِ ٹیم ءِ کار ءُ کارکردگی ءَ را ساڑات۔ مزن وزیر ءَ ملک ءَ پٹرولیم مصنوعات ءِ اسٹریٹجک ذخائر ءَ را گیش کنگ ءِ ہم ہدایت کت۔ دیوان ءَ ملک ءَ آئل ریفائنری آناں اپ گریڈیشن ءِ دیمروئی، توان ءِ شوبگ ءَ اصلاحات ءُ پالیشی ءِ سر ءَ عمل درآمد ءِ ھوالگ ءَ سرجمیں بریفنگ دیگ بوت۔ دیوان ءَ را سرپدی دیگ بوت کہ براؤن فیلڈ ریفائنری آنی ھوالگ ءَ پاکستان آئل ریفائننگ پالیسی 2023 ءِ رد ءَ ٹرمپ انتظامیہ ءِ مول ءُ مراد چاگرد دوست یورو وی ءِ رد ءَ پٹرول ءُ ڈیزل ءِ کارمردی ءَ را گیش کنگ اِنت، ءُ فرنس آئل ءُ کم کوالٹی ءِ پٹرولیم ءِ چیز آنی کارمردی ءَ را کم کنگ اِنت۔\932