اسلام آباد۔28جولائی (اے پی پی): وفاقی وزیر تجارت جام کمال خان ءَ آذربائیجان ءِ چہ وتی اگدہ ءَ درکپوکیں سفیر خضر فرہادوف ءَ گوں گند ءُ نند کت۔ وزارت تجارت ءِ جارکش ءِ رد ءَ جام کمال خان ءَ آذربائیجان ءِ سفیر ءَ را دو نیمگی سیادی آناں دیمروئی دیگ ءِ تہ ءَ بے دروریں ازمت آنی سر ءَ شگر ءُ منت گپت۔ آئی ءَ گوشت کہ خزر فرھادوف ءِ …
آذربائیجان ءِ چہ وتی اگدہ ءَ دزکش بوھوکیں سفیر ءَ وفاقی وزیر تجارت ءَ گوں گند ءُ نند
گیشتریں ھال
اسلام آباد۔28جولائی (اے پی پی): وفاقی وزیر تجارت جام کمال خان ءَ آذربائیجان ءِ چہ وتی اگدہ ءَ درکپوکیں سفیر خضر فرہادوف ءَ گوں گند ءُ نند کت۔ وزارت تجارت ءِ جارکش ءِ رد ءَ جام کمال خان ءَ آذربائیجان ءِ سفیر ءَ را دو نیمگی سیادی آناں دیمروئی دیگ ءِ تہ ءَ بے دروریں ازمت آنی سر ءَ شگر ءُ منت گپت۔ آئی ءَ گوشت کہ خزر فرھادوف ءِ دور ءَ ھم پاکستان ءُ آذربائیجان ءِ سیادی بے دروریں برج ءَ سر بوتگ اَنت۔ پاکستان ءُ آذربائیجان ءِ نیام ءَ ھشتمی مشترکہ وزیری کمیشن، ترجیحی تجارتی معاہدہ ءُ 15 معاہدہ ءُ تپاک نامہ ءَ اقتصادی کمک ءَ را نوکیں رنگ ءُ دروشم داتگ۔ آذربائیجان ءِ سفیر ءَ گوشت کہ سرمایہ کار آناں پاکستان ءِ ھاسیں اقتصادی زون ءُ صنعتی مراکز آنی تر ءُ تاب ءِ دعوت دیگ بوتگ ءُ پاکستان ءَ ھاسیں رنگ ءَ توانائی ءِ شوبگ ءَ آذربائیجان ءِ پیش کرتگیں سرمایہ کاری زوت عملی رنگ ءَ زورگ ءَ انت۔ آئی ءَ گوشت کہ پاکستان توان، بنیاتی ڈھانچگ، مینوفیکچرنگ، اسلحہ ءُ رسد ءِ تہ ءَ مزنیں سرمایہ کاری ءِ موہ پجاری کنگ ءَ انت۔ جام کمال ءَ خضر فرہادوف ءِ سوبمندیں سفارتی کاراں پاکستان ءُ آذربائیجان ءِ سیادی ءِ درپشوکیں باب لیک اِتگ ءُ خضر فرہادوف ءِ آیوکیں باندات ءِ ھاتر ءَ وتی نیکیں واھگ ءِ درشانی کتگ۔
