کابل۔ 26جنوری (اے پی پی) اوغانستان نا سیکورٹی فورس آک ملک انا سویلی علاقہ ٹی آپریشن اٹی 60عسکریت پسند آتے کسفنگ نا داوا کرینو۔ اوغان میڈیا نا رداٹ کابل اٹی وزارت دفاع و وزارت داخلہ نا کنڈآن جاری مروک آ بیان تیٹی پاننگاے کہ سویلی صوبہ ارزگان اٹی طالبان و داعش نا برخلاف پبی کارروائی برجاہ ئِ و داوخت اسکان 60آن زیات عسکریت پسند کسکنو، ہرافتے ٹی طالبان و داعش نا کیہی کمانڈر ہم اوار اریر، داکارروائیک ارزگان نا علاقہ ترین کوٹ و ایب و کیب علاقہ غاتیٹی کننگار ہراڑے طالبان و داعش نا واک اٹی ساڑی آ دے تیٹی ودکی مسنے۔ داکان مست وزارت دفاع نا کنڈآن جاری مروک آ اسہ بیان اسے ٹی پاننگاسس کہ سویلی اوغانستان اٹی آپریشن اٹی داعش نا 36کارندہ تپاخت کرینو۔ قطبی صوبہ بامیان اٹی یخ آن غیر سرکاری تنظیم کارکن تپاخت کرے۔ اوغان کمامدارآتارداٹ این جی او و ورکرشدید یخ آن تپاخت کرینو۔
