سویلی ایشیا ٹی کرپشن کم کننگ اٹی چین و پاکستان اولیکو و ارٹ میکو نمبر آ سلیسر، پاکستان درجہ بندی ٹی 9درجہ نا گچینی اتون 116می نمبر آ بس، 2012ءٹی پاکستان 174ملک آتیٹی 139می نمبر آ ئس
اسلام آباد۔ 25جنوری (اے پی پی) ٹرانسپیرنسی انٹرنیشنل پارینے کہ پاکستان اٹی کرپشن اٹی کمتی بسنے و سویلی ایشیا ٹی کرپشن کم کننگ اٹی چین و پاکستان اولیکو و ارٹ میکو نمبرآ سلیسنو۔ ٹرانسپیرنسی انٹرنیشنل نا تازہ انگا رپورٹ نا رداٹ سویلی ایشیا ٹی کرپشن کم کننگ اٹی پاکستان درجہ بندی ٹی 9درجہ نا گچینی اتون 116می نمبرآ بسنے و پاکستان اٹی شفافیت اٹی ودکی مسنے۔ رپورٹ نا رداٹ چین کرپشن اٹی 12درجہ گچینی نا کنڈاروان ئِ ، بھارت کرپشن اٹی کمتی ٹی بیرہ 5درجہ گچینی اتنگ کرے، سری لنکا کرپشن اٹی منفی 4درجہ تنزلی نا گواچی مس، بنگلہ دیش 2، نیپال و ایران 7درجہ گچینی نا کنڈا روان ئُ۔ رپورٹ اٹی 176ملک آتیٹی شفافیت نا لحاظ اٹ پاکستان نا 116می نمبر آ تخنگانے۔ شفافیت نا لحاظ آن پاکستان ئِ مست انا نسبت 32پوائنٹ ملا۔ 2012ءٹی پاکستان 174ملک آتیٹی 139می نمبر آئس۔
