جدہ۔ 24جنوری (اے پی پی) اسلامی کمکار نا تنظیم او آئی سی کیمرون اٹی ہیلی کیپٹر نا شکست اٹی جانی نسخان آ است ہسونی نا درشانی ئِ کرینے۔ میڈیا رپورٹ نا رداٹ تنظیم نا سیکرٹری جنرل ڈاکٹر یوسف عتیمین تدوک آ دے تینا اسہ بیان اسے ٹی کیمرون اٹی ہیلی کیپٹر نا شکست اٹی اِرا جرنیل آتون اوار چندی بندغ آتا تپاخت آ است ہسونی نا درشانی ئِ کرینے۔ اوپارے کہ کیمرون نا کارندہ غاک انسانی ہمدردی و دہشت گرد آتا برخلاف مہم اٹی تینا جان تا قربانی ئِ تسنو و اوفتا خذمت آتے یات تخنگک۔ بیان اٹی غمزدہ خاہوت آتون ہڑزخواہی و ہمدردی نا درشانی کننگانے۔
