کابل اٹی مقناطیسی بمب جلہو اسے ٹی اِرا پولیس افسر ٹھپی
کابل۔ 19جنوری (اے پی پی) اوغانستان نا سیکورٹی فورس آک ملک انا کیہی بشخ آتیٹی کارروائی تیٹی داعش نا 6باسک آتون اوار 34عسکریت پسند آتے تپاخت کننگ نا داوا کرینو، دارالحکومت کابل اٹی مقناطیسی بمب اسے نا جلہو اٹی اِرا پولیس افسر ٹھپی مسنو۔ کابل اٹی اوغان وزارت دفاع نا کنڈآن جاری مروک آ اسہ بیان اسے ٹی پاننگانے کہ ملک انا کیہی بشخ آتیٹی کارروائی تیٹی داعش نا 6باسک آتون اوار 34عسکریت پسند تپاخت کریر، کارروائیک ننگر ہار، کپیسا، ارزگان، قندہار، فرح، قندوز، بغلان و ہلمند اٹی کننگار۔ طالبان تا کنڈآن داوخت اسکان دابابت ہچ ئُ بیان اس مون آ بتنے۔ دارالحکومت کابل اٹی مقناطیسی بمب انا جلہو اٹی اِرا پولیس افسر ٹھپی مسر۔ کمامدارآتا رداٹ مقناطیسی بمب پولیس نا گاڈی ٹی تخنگاسس۔ داڑے اوغان کمامدارآک خوست اٹی کارروائی ٹی حقانی نیٹ ورک نا 31باسک آتے دزگیر کننگ نا داوا کرینو۔
