واشنگٹن۔ 18جنوری (اے پی پی) امریکی صدر باراک اوباما اقوام متحدہ نا گرین کلائمٹ فنڈ اٹی 50کروڑ ڈالر تننگ نا پڑو ئِ کرے۔ امریکی میڈیا نا رداٹ امریکی دفتر خارجہ نا ترجمان جان کربی تینا بیان اسے ٹی پارینے کہ صدر اوباما تینا حکومت نا چٹفنگ نا بیرہ مسہ دے مست اقوام متحدہ نا کلائمٹ فنڈ اٹی 50کروڑ ڈالر تننگ نا پڑو ئِ کرینے و دازر ئِ امریکہ ارٹ میکو وار تننگ ئِ۔ ترجمان نا پاننگ ئِ کہ اقوام متحدہ نا جہانی پروگرام اٹی تروک آ فنڈ انا بنداوی مسخت دنیا نا نیزگار انگا ملک آتیٹی موسمیاتی بدلی تا منفہ زئم آتے کم کننگ نا ئِ۔
