ماسکو۔ 18جنوری (اے پی پی) روس اگہ شام اٹی فوجی نیام تمیتوکہ تو دمشق نا 2آن 3ہفتہ ٹی سقوط مسکہ و دہشت گرد آک اوڑا کوزہ کریرہ۔ داہیت ئِ روسی وزیر خارجہ سرگئی لاروف اسہ نیوز کانفرنس اسے ٹی پارینے۔ اوپارے کہ اونا ملک ہراتم شامی صدر بشارالاسد نا مخ تفی ٹی نیام تما تو دارالحکومت دمشق نا 15آن 20دے اٹی سقوط مننگ والا ئس و او دہشت گرد آتا دوتے ٹی ہناکہ۔ اوپارے کہ روس شام انا مخ تفی ئِ برجاہ تخک انتئے کہ اوڑتون ہندن ئُ احوال اسے کہ گڑاس یورپی ملک آک شام امن مذاکرات ئِ لتاڑنگ آ سجفنگ ئُ ۔ اونا پاننگ ئس کہ دا یورپی ملک آک آستانہ مذاکرات نا بابت تینے جتا محسوس کننگ ئُ۔ اودااومیت نا درشانی ئِ کرے کہ دا ملک آک مذاکرات ئِ لتاڑنگ نا کوشست کپسہ۔
