کابل۔16جنوری ( اے پی پی) جنوبی اوگانستان ئَ سیکورٹی فورسز ئِ کارروائی ئَ 49عسکریت پسند آنی بیرانی ئِ دعویٰ کرتگ انت، ننگر ہار ئَ سڑک کِر ایر بمب ئِ تراک ئَ یک زالبول ئِ ھواری ئَ 7مردم بیران ئُُ لہتیں ٹپی بوت انت۔ اوگان میڈیا ئِ ردا حکام ئَ گشتگ کہ وسطیٰ ارزگان ئُُ ہلمند ئِ لہتیں دمگ آں سیکورٹی فورسز ئَ عسکریت پسند آنی ھلاپ کارروائی کرتگ اے وھد ئَ 49عسکریت پسند بیران ئُُ درجن ئِ ھساب ئَ ٹپی بوت انت۔ حکام ئِ ردا اے وھد ئَ بازیں دست گیری ہم بوتگ ۔ ہلمندر ئَ تازگیں دم امریکی فوجی ئِ تعیناتی ئِ جار ئَ پد ئَ بگر تنے وھدے لہتیں وھیل زیات بوتگ انت۔ ننگر ہارئِ دمگ پیشرا گام ئَ سڑک کِر ایر بمب تراک ئَ یک زالبول ئِ ھواری ئَ 7مردم بیران ئُُ لہتیں ٹپی بوت انت۔ ننگر ہار ئَ داعش ئَ یک دینی مدرسہ ئِ 13استاد ئُُ نو در بر آوار جت انت۔ صوبائی گورنر ئِ ترجمان ئَ وھیل ئِ تصدیق کنگ ئَ گشتگ انت کہ اے پڑئَ گام گیج کنگ ئَ انت۔
