اسلام آبد۔ 21 دسمبر (اے پی پی) بنجائی وزیر مواصلات مراد سعید پارینے کہ نیب آزاد و وتواجہ ءُ ادارہ اسے، حکومت ہچ وڑنا مداخلت اس کننگ کپک، ہرافتے جسٹس قیوم ءِ فون کرسا فیصلہ کرفنگ نا عادت متنے ہمہ باوری ترفنگے کہ ادارہ وتواجہ و آزاد مسنے۔ جمعہ نادے آ قومی اسمبلی ٹی خیال آتا درشانی ءِ کرسا بنجائی وزیر مراد سعید پارے کہ اپوزیشن لیڈر 600 وونٹ اٹ باتسنے، وخت بدل مس و جمہوریت بسنے۔ داسہ داوڑ چلینگپک۔ اوپارے کہ اسہ جنرل اس ہرا سیاسی جماعت نا لیڈر نا پرورش ءِ کرینے اودے غلط عادت تمانے و ہر وار ہندا سمجھک کہ اودے وڑانا وڑاسے اٹ کٹفنگے۔ اوپارے کہ نیب ننا ماتحت اف، آزاد ءُ ادارہ اسے ہرافتے جسٹس قیوم ءِ فون کرسا فیصلہ کرفنگ نا عادت مرے اوفتے ہمہ باوری ترفنگے کہ ادارہ وتواجہ و آزاد مسنے۔ اوپارے کہ نیب کانود نا بابت داڑے ہیت کننگانے ہراتم نن اپوزیشن اٹی ئسن تو اسہ بل اس ایسون کہ نیب انا پلی بارگین بایدے چٹے۔ اوپارے کہ مہالو دا پاننگاکہ پبلک اکاؤنٹس کمیٹی نا سرکڑدہ ہی شہباز شریف و سعد رفیق نا پروڈکشن آرڈار ءِ جاری کننگے تو نن ایوان اٹی تولنہ ، داسہ داپارہ کہ کمیٹی تا کماشی ءِ ننے ایتبو تو ایوان ءِ چلینگ انگ کن الینہ۔ اگہ ریڑھی و فالودہ والا تا اکاؤنٹ آتیان پیسہ پیش تمانے تو حکومت نا انت قصور اسے۔ ملک و الس ءِ بے دردی اٹ پلوک آک دُوارہ دا سفر نا بناءِ کننگ خوارہ۔ ولے پی ٹی آئی حکومت اوفتے داوڑ کننگ کن ہلیپک ہرافک پیسہ غاتے پلانو اوفتے حساب تروئی مریک۔ اوپارے کہ اپوزیشن اٹی بِننگ نا ہم سکت اف ، اوفتے تون دلیل آک چٹانو۔
