کراچی۔ 19مئی (اے پی پی) وزیراعظم محمد شہباز شریف اسہ دے ئی دورہ غا کراچی آ سرمس۔ دوشنبے نادے آ وزیراعظم آفس نا میڈیا ونگ آن جاری بیان نا رداٹ کراچی آ سرمننگ آ بنجائی وزیر تعلیم ڈاکٹر خالد مقبول صدیقی وزیراعظم ءِ بخیرکرے۔ وزیراعظم محمد شہباز شریف پاکستان نیوی نا ڈاکیارڈآ کاہک۔ وزیراعظم نیوی نا آفیسر و ورناتتون اوڑدہی کیک۔ وزیراعظم معرکہ ءِ حق اٹی پاکستان نا بحری دنگ و سمندری دِیرتا رکھ ءِ کروک آ پاکستانی بحریہ نا آفیسر و ورناتیان تران و اوفتے خراج تحسین کیک۔ بنجائی وزیر دفاع خواجہ آصف، بنجائی وزیر ڈٹ بندی احسن اقبال و بنجائی وزیر حوالکاری و شینکاری عطاء اللہ تارڑ ہم وزیراعظم تون اوار ءِ۔

متعلقہ مضامینمصنف کی طرف سے مزید