اسلام آباد: 19 مئی ( اے پی پی) : پبلک پروکیورمنٹ ریگولیٹری اتھارٹی ءَ مزن وزیر ءِ ڈیجیٹل پاکستان ءِ وژن ءِ چیر دستی ءَ ای پروکیورمنٹ سسٹم ءُ ریگولیٹری فریم ورک ءِ ھوالگ ءَ 10ہزار ءَ چہ گیش پیشہ ور آناں تربیت دیگ ءَ چہ یک مزنیں سنگ میل ءِ سر ءَ چہ دیم ءَ شتگ۔ اے گپ منیجنگ ڈائریکٹر پیپرا حسنت احمد قریشی ءَ سرکاری خریداری ءُ کنٹریکٹ مینجمنٹ ءِ ھوالگ ءَ یک جامع تربیتی پروگرام ءِ بنگیج ءِ مراگش ءَ گوں تران کنان ءَ کت۔ اے تربیتی پروگرام پیپرا ءُ نیشنل یونیورسٹی آف سائنسز اینڈ ٹیکنالوجی ءِ پیشہ وارانہ دیمروئی مرکز ءِ کمک ءَ بندات کنگ بوھگ ءَ انت۔ دومی بھر ءَ چار ماہ ءِ تربیت ءِ پروگرام ءَ 70 ءَ چہ گیش بھر زوروک ھوار انت کہ ایشی ءِ تہ ءَ سرکاری کارندہ، نجی شعبہ ءِ کارندہ، سپلائر، کاروباری کارندہ ءُ دیمروئی ءِ کارندہ ھوار انت۔ ڈپلومہ پروگرام ءِ تہا جتا جتائیں ماڈیول ھوار انت، ایشی ءِ تہا موثر ءُ شفاف سرکاری خریداری ءِ بنیاتی اصول، قانونی ءُ ریگولیٹری فریم ورک، خریداری ءِ گنجائش ءَ را گیش کنگ، اسٹریٹجک گچین کاری ءِ فریم ورک، منصفانہ گچین کاری، انصاف ءِ رسائی، معاہدہ ءِ انتظام، میاں اوستمانی معیار، میاں اوستمانی ڈونر ءِ مالی کمک ءَ چہ خریداری ءِ بنیاتی اصول، سرکاری ءُ پی اے پارٹنر ءِ ریویو پارٹنر ءِ ھوار انت۔ مراگش ءَ گوں تران کنان ءَ ایم ڈی پیپرا حسنت قریشی ءَ گوشت کہ پاکستان ءِ مزن وزیر ءِ ہدایت ءِ رد ءَ سرکاری ادارگ آنی تہ ءَ پروکیورمنٹ سیل جوڑ کنگ بوتگ اَنت ایشی ءِ تہ ءَ پوسٹڈ افسر آناں ایپیڈ ءُ پیپرا ءِ رد ءُ بند ءِ رد ءَ رد ءُ بند ءِ رد ءَ سرجمیں تربیت دیگ بوھگ ءَ اِنت۔ آئی ءَ گوشت کہ پیپرا ءَ سرجمیں ملک ءَ وتی تربیتی پروگرام ءَ را گیش ءُ گیوار کتگ تانکہ سرکاری خریداری ءِ ہر پڑ ءَ ماہر پیشہ ور پیداک کنگ بہ بیت۔ ایم ڈی پیپر ءَ سرکاری پڑ ءِ ادارگاں ھوار درستیں سٹیک ہولڈراں چہ اپیل کتگ کہ آ تربیتی پروگرام ءَ سرجمی ءَ بھر بہ زور اَنت دانکہ آ قانونی، اخلاقی ءُ میاں اوستمانی معیار ءِ رد ءَ سرکاری خریداری ءِ منصوبہ بندی، عمل درآمد ءُ انتظام ءِ تہ ءَ مہارت ءِ دربرگ ءَ بہ کن اَنت۔ آئی ءَ گیش گوشت کہ پیپیرا ءَ ای پروکیورمنٹ پلیٹ فارم ءَ را سوبمندیں رنگ ءَ دیم ءَ آؤرتگ کہ ای گورننس ءِ بنیاتی ستون اِنت ءُ ایشی ءَ چہ سرکاری ھرچ ءُ درچ ءَ 10 ءَ چہ 25درسد بچت بوت کنت۔ آئی ءَ گوشت کہ اے نظام ءَ چہ شفافیت، ھرچ ءُ درچ ءِ کمی، مقابلہ، وھد ءِ بچت، کاروبار ءِ تہ ءَ آسانی ءُ کاربن فٹ پرنٹ ءِ کمی ءَ را گیش کنگ بیت۔ حسنت قریشی ءِ رد ءَ تاں انوگ ءَ ای پروکیورمنٹ پلیٹ فارم ءِ سر ءَ 400 درملکی کمپنی آنی ھوار 28 ہزار ءَ چہ گیش سپلائر رجسٹرڈ کنگ بوتگ اَنت۔ ایشی ءَ ابید اے نظام ءَ چہ 700ءِ نزیک ءَ وفاقی، 5000 پنجاب ءُ 200سندھ سرکاری خریداری ادارگ فائدہ مند بوھگ ءَ اَنت۔ اے موہ ءِ سر ءَ پیپرا ءِ مزنیں افسر، ایف بی آر ءِ مزنیں کارندہ ءُ سرکاری زرکاری ءِ ماہر علی رضا ہنجرا ءُ پی ڈی سی نوسٹ ءِ جنرل منیجر محمد علی ھم ساڑی اتنت۔
