کوئٹہ۔ 19 مئی (اے پی پی) پاکستان مسلم لیگ (ن) نا پارلیمانی لیڈر و صوبائی وزیر میر سلیم احمد خان کھوسہ قلعہ عبداللہ نا گلستان مارکیٹ اٹی مروک آ بمب دھماکہ غا ڈکھیائی و غم انا درشانی ءِ کرسا داواقعہ نا ترند انگا لوز آتیٹی مذمت ءِ کرینے۔ میر سلیم احمد خان کھوسہ شہید آتا خاہوت آتون ہڑزخواہی کرساپارے کہ نن دا ڈکھیائی نا ساہت اٹی اوفتے تون تفوک اُن و اوفتا غم اٹی بریبر نا شریک اُن۔ اوداعزم انا درشانی ءِ کرے کہ زہمی خاہوت ءِ اسُل تنیا ہلنگ پننگک بلکن حکومت اوفتا ہرممکن کمک ءِ کیک۔ اوپارے کہ کودک انسان تا شہیدی ہر است ءِ رنجیدہ کرینے، نن ٹھپی تا زوت دراخ جوڑی کن دعا کینہ و اوفتے گچین طبی آسراتی فراوان کننگ کن غٹ تر گام گیج کننگ انگ ءِ۔ صوبائی وزیر مستی پارے کہ دہشت گردی نا برخلاف جنگ ننا قومی بقاء و سلامتی نا جنگ ءِ و دہشت گرد آتے ہچ ءُ حالیت اسے ٹی بشخنگپک، اوفتا برخلاف سخت کارروائی کننگک تانکہ داوڑنا لغور انگا جلہو آتے پورو چٹفنگ مرے۔
