کراچی: 19 مئی ( اے پی پی) : سندھ مدرستہ اسلام یونیورسٹی ءِ نیمگ ءَ کمپیوٹنگ ءُ ایشی ءَ گوں سیادی داروکیں ٹیکنالوجی آنی بابت ءَ دو روچی چارمی میاں اوستمانی کانفرنس 21 ءَ بگر داں 22 مئی ءَ برجم دارگ بوھگ ءَ اِنت ایشی ءِ تہ ءَ نامداریں پٹ ءُ پولی زانتکار کمپیوٹنگ، مصنوعی ذہانت ءُ چاگرد ءِ آیوکیں وھد ءِ جوڑ کنگ ءِ بابت ءَ وتی ھیال ءُ لیکہ آنی تہ ءَ شیئر کن اَنت۔ گشتانک دیوکاں پروفیسر ڈاکٹر مارٹن مائر ، اے آئی ، پائیداری ءُ چاگرد 5.0 ءِ پڑ ءَ دنیا ءِ نامداریں کارشناس ھوار انت ۔ پروفیسر ڈاکٹر بھوانی شنکر چودھری، ہیلتھ کیئر ءِ کلانہ ایں ڈاکٹر پروفیسر ڈاکٹر ندیم محمود، ممتاز پروفیسر ءُ ریکٹر ڈاکٹر طارق رحیم سومرو، اے آئی اور ايل او ٹی ءِ وسیلگ ءَ کشت ءُ کشار ءِ تہ ءَ مٹ کنگ ءِ کلانہ ایں پروفیسر ڈاکٹر عقیل الرحمان، ڈیجیٹل ٹرانسفارمیشن آرکیٹیکٹ ڈاکٹر رانا شہزاد قیصر ءُ ایندگر ھوار بوتگ انت ءُ دگہ لہتیں نبشتہ کتگ۔ انٹرنیشنل کانفرنس ءِ کنوینر ءُ آئی ٹی فیکلٹی ءِ ڈین ڈاکٹر آفتاب احمد شیخ ءَ گوشت کہ انٹرنیشنل کانفرنس ءِ بنداتی دیوان چار شمبے ءِ روچ ءَ 21 مئی ءَ سھب ءِ 9بج ءَ سر شاہنواز بھٹو آڈیٹوریم ءَ برجم دارگ بیت۔ افتتاحی دیوان ءَ ایندگر ریسرچ اسکالر ءَ ابید ایچ ای سی سندھ ءِ چیئرمین ڈاکٹر طارق رفیع ءُ وائس چانسلر ایس ایم آئی یو ڈاکٹر مجیب سہرائی گشتانک دینت۔ آئی ءَ گیش کرتگ کہ بنداتی دیوان ءَ چہ پد نیم روچ ءِ 5بج ءَ تاں تکنیکی سیشن برجم دارگ بنت۔
