اسلام آباد۔ 21 دسمبر (اے پی پی) وزیراعظم نا سلاہکار صنعت و پیداوار عبدالرزاق داؤد پارینے کہ فائلرز و نان فائلرز آتا معاملہ نا سوب آن سوزوکی گاڈی تا پیداوار اٹی 40 درسد اسکان کمتی مسنے، کمپنی تتون گاڈی ارے و اوفتا بکنگ کرفوک آتے کن گاڈی نا بروخت فراوانی ٹی ہچ ءُ ویل اس اف۔ جمعہ نادے آ ایوان بالا ٹی وقفہ سوج آتے ٹی سینیٹر جاوید عباسی ، اعظم سواتی و ایلو باسک آتا سوج آتا ورندی ٹی اوپارے کہ پوسکن آ گاڈی کن بکنگ کرفوک آ بندغ آک ڈیلرزکن مینو فیکچر آتے پنچ لکھ روپئی نا پیشگی ادائیگی کیرہ و اگہ 60 دے اٹی اوفتے گاڈی تفننگپ تو اوڑآ مینو فیکچر رزآتے انٹرسٹ تروئی تمک۔ اوپارے کہ داوخت آ مارکیٹ نا حالیت آک ڈاؤن ءُ، فائلر و نان فائلر آتا معاملہ نا سوب آن گاڈی تا سپلائی و طلب نا ویل ءِ و گاڈی تا طلب کم مسنے۔ اوپارے کہ سوزوکی مینو فیکچررز آتا رداٹ سوزوکی گاڈی تا پیداوار اٹی 40 درسد اسکان کمتی مسنے ، ٹویوٹا و سوزوکی کمپنی تتون گاڈی داوخت آ گاڈی ارے و اوفتا بروخت فراوانی نا بابت ہچ ءُ ویل اس اف، نان فائلرآک چونکہ پوسکن ءُ گاڈی ہلنگ کپسہ ہنداخاطرآن مارکیٹ اٹی مندی نا کیفیت ءِ۔
