بغداد۔ 11جنوری (اے پی پی) عراق نا اسہ سیکورٹی ذرائع ئس صوبہ نینوا ٹی پڑو کرینے کہ موصل نا الاصلاح الزراعی علاقہ ٹی عراقی فضائیہ نا جلہو اٹی داعش نا سرغنہ ابوبکر البغدادی نا نائب ابولوی تون اوار داعش نا پنچ دہشت گرد تپاخت کریر۔ احوالکارآتارداٹ دیکی موصل نا الحدباءعلاقہ ٹی داعش دہشت گرد رڑانا سرغنہ غاتا ہیڈ کوارٹر آ عراقی فوج انا ہوائی جلہو اٹی الخلافہ تحریک نا سروک احمد اسجمی ، داعش دہشت گرد رڑانا فوجی عہدیدار حازم العکیدی و اسہ پین سرغنہ محمود الخاتونی تپاخت کرے۔ عراقی فوج اسہ بیان اسے ٹی پارینے کہ دا ملک انا جنگی جہاز آک قطبی دیکی موصل نا الرشیدیہ و شریخان العلیا علاقہ غاتیٹی کارتیٹی بمب تخوک آ اِراکارخانہ غاتے بھس کریر۔
