ریاض۔ 11جنوری (اے پی پی) لبنان نا صدر جنرل میشال عون الریاض اٹی سعودی فرمانرواشاہ سلمان بن عبدالعزیز تون اوڑدہی کرینے۔ عرب احوالکار آتا رداٹ اوڑدہی ٹی ہڑتوم آ کنڈآتا تعلقداری ، اوفتے پین مون آ دننگ نا وڑوڈول، عرب دنیا و جہانی کہول آ مروک آ تازہ انگا پیش رفت نا بارواٹی خیال آتا درشانی کننگا۔ میشال عون لبنان نا حالیت آتا ذکر ئِ کرسا پارے کہ لبنان اٹی اسہ دے اس توازن بریک۔ ولے اونا پاننگ ئس کہ لبنان ہزار آ شامی مہاجر آتا بھاریم ئِ ہرفینے و چنکو وخت اسے ٹی آبادی ٹی ودکی نا سوب ملک آ معاشی بھاریم ہم ودانے۔ اودااومیت نا درشانی ئِ کرے کہ ہمسایہ ملک شام اٹی برجاءتنکی نا پرامن سیاسی وڑاٹ ایسر ئِ پٹنگک۔
