کابل۔ 10جنوری (اے پی پی) اوغانستان اٹی بیدادی نا واقعہ غاتیٹی چار سیکورٹی کارندہ غاتون اوار 10 بندغ تپاخت و کیہیک ٹھپی مسنو۔ اوغان میڈیا نا رداٹ کمامدارآک پاریر کہ تدوک آ دے زابل نا ضلع ارغنداب اٹی طالبانک اسہ سیکورٹی چیک پوسٹ اسے آ جلہو کریر ہراٹی اسہ فوجی کارندہ اسے تون اوار 4سیکورٹی کارندہ تپاخت و کیہیک ٹھپی مسر۔ داواقعہ غان پد سیکورٹی فورس و طالبان تا نیام اٹ اسہ ایلو آ سم کاری کریر۔ قطبی صوبہ بدخشاں ٹی اسہ جھیڑہ اسے ٹی 6 عسکریت پسند تپاخت و 12ٹھپی مسر۔ کمامدارآتارداٹ صوبہ نا کیہی علاقہ غاتیٹی عسکریت پسند آتا برخلاف کارروائیک برجائُ ۔ اوغان کمامدارآک صوبہ بغلان اٹی 17 خلق آتے عسکریت پسند آتیان کلیئر کرفنگ نا داوا کرینو۔
