کابل۔ 09جنوری (اے پی پی) اوغانستان نا قومی سیوت حکومت اٹی قدرتی آفت آتون مون تننگ نا وزیر ویس احمد برمک پڑو کرینے کہ 55ہزار آن زیات خاہوت جنگ و بدامنی ٹی پدریسہ بے اُرا مسنو و دمدستی کمک نا گرج ئِ۔ ایرانی نیوز ایجنسی نا رپورٹ نا رداٹ ویس احمد برمک کابل اٹی اسہ پریس کانفرنس اسے ٹی پارے کہ اسہ لکھ 63ہزار خاہوت ہرا بے اُرا مسوسر ، اوفتیان اسہ لکھ 8ہزار اُراتا بندغ آک تینا علاقہ غاتیا پدی بسنو و کم و ود 55ہزار خاہوت داسکان بے اُرائُ و اوفتے امدا د نا گرج ئِ۔ اوپارے کہ ہرصوبہ کن ، اونا علاقہ نا حالیت و اولیت آتارداٹ 40ہزار آن دونیم لکھ ڈالر اسکان نا زرجتاکننگانے۔
