کابل۔ 06جنوری (اے پی پی) اوغانستان نا دارالحکومت کابل اٹی جمعہ آ زورداردھماکہ اس مس ولے ہچ ئُ جانی نسخان اس متنے ، ننگر ہار اٹی بمب دھماکہ ٹی اسہ بندغ اس تپاخت و چندیک ٹھپی مسنو۔ اوغان میڈیا نا رداٹ کمامدارآک پاریر کہ تدوک آ دے کابل نا علاقہ پل سوختہ ٹی اسہ زوردار دھماکہ اس مس ولے اوٹی ہچ ئُ جانی نسخان اس متو ۔ کمامدارآتارداٹ بمب مقناطیس اتون تخوک ئس۔ ننگرہار اٹی بمب دھماکہ ٹی اسہ بندغ اس تپاخت و چندیک ٹھپی مسر۔ کمامدارآتارداٹ دھماکہ جلا ل آباد شاراٹی مس۔ داوخت اسکان ہچ ئُ تنظیم یار رڑاس دا جلہو نا زمواری ئِ امنا کتنے ۔
