اقوام متحدہ۔ 04جنوری (اے پی پی) اقوام متحدہ پارینے کہ عراق اٹی سال 2016ءٹی دہشت گردی و بیدادی نا ایلو واقعہ غاتیٹی کم از کم 6,878شاری تپاخت و 12,388بندغ ٹھپی مسنو۔ ولے تپاخت و ٹھپی مروک آتا کچ داکان زیات مننگ کیک انتئے کہ دا رپورٹ اٹی عراق نا دیکی صوبہ انبار اٹی مئی، جولائی، اگست و دسمبر اٹی تپاخت و ٹھپی مروک آ شاری تا کچ اوار اف۔ اقوام متحدہ نا کمکار مشن عراق(یواین اے ایم آئی) نا رداٹ جانی نسخان نا بابت دا کچ ئِ ”کم از کم“ تکنگے۔ اقوام متحدہ نا رپورٹ اٹی پاننگانے کہ دسمبر 2016ءعراق اٹی جانی نسخان نا کچ داکان مست انا توتا مقابلہ ٹی کم سلیس۔ دُن تو آخری تو اٹی بمب جلہو آتیٹی ودکی خننگا۔ اقوام متحدہ نا سیکرٹری جنرل نا نمائندہ خصوصی عراق جان کیوبس پارے کہ ”داٹی ہچ ئُ شک اس اف‘ داعش موصل اٹی مروک آ جانی نسخان آن چکار ئِ اسہ کنڈ کننگ نا کوشست کننگ ئِ و اونا نہاد ئِ لس شاریک ادا کننگ ئُ۔ (یو این اے ایم آئی) 2015ءٹی تینا رپورٹ اٹی عراق اٹی شاری تپاخت کروک آتا کچ 7,512پاریسس۔
