واشنگٹن۔ 03جنوری (اے پی پی) امریکی محکمہ خارجہ چٹوک آ ہفتہ بغداد و نجف اٹی مروک آ دہشت گردجلہو آتا ”ترند انگا لوز آتیٹی “ مذمت ئِ کرینے۔ اسہ بیان اسے ٹی ترجمان جان کربی پارینے کہ ہفتہ نا دے بغداد نا ایب و کیب اٹی ، السنک نا واپاری علاقہ ٹی مروک آ اِرا جلہو آتیٹی ہرافتا داعش زمواری ئِ امنا کرینے ، کم از کم 28 بندغ تپاخت کریر۔ دوشنبے آ ہم چندی جلہو مس، ہرافتا زمواری ئِ ہم داعش امنا کرینے، ہرافتے ٹی کم از کم 35بندغ تپاخت کریر، ہرافتے ٹی زیات تر بے گناہ شاری اوار ئُ ، وخت اس کہ بیسی و ایلو بندغ آک ٹھپی مسر ۔ ترجمان تپاخت کروک آتا خاہوت آتون دلی ہڑزخواہی ، وخت اس کہ ٹھپی تا زوت آن زوت جان جوڑی نا اومیت نا درشانی ئِ کرے۔ جان کربی پارے کہ لس خون نا دا ظالمانہ حرکت داہیت انا پیدواری ئِ کہ سیوت نا کنڈآن داعش نا برخلاف کارروائیک بایدے برجاسلر، و دا دہشت گردرڑانا کنڈآن لاحق خلیس آتا انسداد نا گرج ئِ۔
