کابل۔ 03جنوری (اے پی پی) اوغانستان نا صدر اشرف غنی ملک انا وزارت داخلہ نااِرا مسکوہی افسر آتا ملک آن پیشن ہِننگ آ پابندی خلکونے۔ صدر اشرف غنی 2012ءآن 2016ءنا وخت ملک انا وزارت داخلہ نا پبلک سیکورٹی افیئر آتا مسکوہی افسر جمیل جنبش و جمال ناصر صدیقی نا پن ای سی ایل اٹی اوار کننگ ناحکم تسنے۔ دا حکم نا رداٹ ہندا بندغ آتا برخلاف مقدمہ غاتا تیاری نا ہم حکم تننگانے۔ اوغانستان نا صدر گدرینگوک آ دہ سال اٹی وزارت داخلہ نا پرچیز ڈیپارٹمنٹ اٹی کاریم کروک آ غٹ افسر آتے برطرف و اوفتا جاگہ غا پوسکن آ بندغ آتے بھرتی کننگ ناحکم تسنے۔ اوغانستان نا اٹارنی جنرل پارینے کہ دا بندغ آتا برخلاف مالی بدعنوانی تا دوبہ غاتا جاست وپاست نا بناءکننگانے و 2012آن 2016 نا وخت اٹی انجام ہلوک آ غٹ معاہدہ و سود آتا پوسکنی آن جاچ ئِ ہلنگ انگ ئِ۔
