کابل۔ 02جنوری (اے پی پی) قطبی اوغانستان اٹی سیکورٹی فورس و طالبان تا نیام اٹ جھیڑہ ٹی 5طالبان تپاخت و 8ٹھپی مسر۔ شبرغان نا خڑک جھیڑہ ٹی اِرا طالبان تپاخت و 5ٹھپی مسر۔ لوگر اٹی بارودی سرنگ نا دھماکہ ٹی فوج انا جرنیل اس ٹھپی مس۔ اوغان میڈیا نا رداٹ کمامدارآک پاریر کہ قطبی صوبہ سرائے پل انا علاقہ سان چارک اٹی سیکورٹی فورس و طالبان تا نیام اٹ جھیڑہ ٹی 5طالبان تپاخت و 8ٹھپی مسر۔ کڑدہ غاتا نیام اٹ اسہ ایلو آ سم کاری 10 گھنٹہ اسکان برجاسلیس۔ کہوک آتیٹی طالبان نا اِرا پنی ئُ کمانڈر نعمت و سید علی اوار ئُ۔ شبرغان نا خڑک جھیڑہ ٹی اِراطالبان تپاخت و5ٹھپی مسر۔ نیامی صوبہ لوگر اٹی بارودی سرنگ نا دھماکہ ٹی جرنیل اس ٹھپی مس۔ اوغان وزارت دفاع نا کنڈآن جاری بیان نا رداٹ دا واقعہ ضلع چرغ اٹی پیش بس۔ ہرات اٹی اسہ مسیت اسے نا خڑک دھماکہ ٹی 6بندغ ٹھپی مسر۔
