کابل۔ 30 دسمبر (اے پی پی) دے ٹکی اوغانستان اٹی ڈرون جلہو اٹی 3عسکریت پسند تپاخت کریر، قندوز اٹی سکھ کمیونٹی نا راہشون اسے ناخون ئِ کننگا۔ اوغان میڈیا نا رداٹ کمامدارآک پاریر کہ ننگرہار اٹی امریکی جاسوسی جہاز اس اسہ شکبر ٹھکانہ سے آ میزائل اٹ جلہو کرے ہراٹی 3عسکریت پسند تپاخت و 7ٹھپی مسر۔ ننگر ہار نا علاقہ بھٹی کوٹ اٹی مارٹر جلہو اٹی 13شاری ٹھپی مسر ہرافتیان گڑاس نا حالیت نازرک ئِ، قطبی صوبہ قندوز اٹی سکھ کمیونٹی نا راہشون دلسوز سنگھ ئِ نادرست بندغ آک سم کاری کرسا اونا خون ئِ کریر۔ داوخت اسکان ہچ تنظیم یا رڑاس دا جلہو نا زمواری ئِ امنا کتنے۔ نیامی صوبہ لوگر اٹی جتا کارروائی تیٹی آرمی افسر اسے تون اوار 4بندغ تپاخت کریر۔ اوغان وزارت داخلہ کنٹر اٹی انٹیلی جنس آ مبنی کارروائی ٹی داعش نا اہم راہشون اسے دزگیر کننگ ناداوا کرینے۔
