کاشغر۔ 29 دسمبر (اے پی پی) چین نا دیکی علاقہ سنکیانگ اٹی جلہو نا وخت 5بندغ تپاخت کریر۔ پنچ شنبے آ شینہواخبر رساں ادارہ چینی کمامدارآتا بابت پارے کہ 4بندغ شورش زدہ علاقہ ٹی کمیونسٹ پارٹی نا دفتراٹی اسہ کاراسے ٹی سوار بسر و دھماکہ کریر ہراڑآن اسہ بندغ اس تپاخت کرے۔ جلہو گیر آک دفتر نا عملہ آ چاقو تے اٹ جلہو کریر ہراڑآن مسہ بندغ ٹھپی مسر ولے ہنداوخت آ ماڑی نا سیکورٹی آ سلوک اسہ گارڈاس ہر چارآ جلہو گیر آتے سم اٹ خلسا کسفے۔ چین نا داواقعہ ٹی اوغر باتی تا گیشتری ئِ ہراکہ دا علاقہ ٹی تینا کنٹرول ئِ خوارہ۔ چینی سرکاری خبررساں ادارہ دا جلہو ئِ دہشت گردی اس گوندانے۔
