نیویارک۔ 26دسمبر (اے پی پی) اوغانستان نا اولیکو زالبول فائٹر پائلٹ امریکہ ٹی سیاسی پناہ نا درخواست تس۔ کیپٹن نیلوفر رحمانی فوجی تربیت کن 2015ءآن امریکہ ٹی ئِ۔ تینا ٹریننگ نا ایسری آ ارکنساس نا فوجی اڈہ غا میڈیا تون ہیت وگپ کرسا اوپارے کہ طالبان تا دھڑکو تا سوب اوڑکن پدی اوغانستان آ ہِننگ سہی اف۔ وطن آ پدی ہِننگ نا دروشم اٹی جان ئِ لاحق خدشہ غاتا رداٹ اوسیاسی پناہ نا درخواست تسنے و اوامریکی فضائیہ ٹی کاریم کننگ نا خواہش مند ئِ۔
