میکسیکو ، نادرست سلہہ بند بندغ آتا سم کاری آن کرسمس نا دود اٹی ساڑی 7 بندغ نا خون

میکسیکو سٹی۔ 26دسمبر (اے پی پی) میکسیکوٹی سلہہ بند بندغ آک سم کاری کرسا 7بندغ نا خون ئِ کریر۔ نجی ٹی وی چینل نا رداٹ واقعہ میکسیکو نا سویلی ریاست گوریرو اٹی پیش بس ہراڑے کرسمس نا وخت آ یکجا مروک آ اسہ ہی خاہوت آ نادرست سلہہ بند بندغ آک سم کاری کریر ہراٹی 7بندغ ئِ کسفیر۔ کہوک آتیٹی 3ایلم، باوہ ، اِلہ و 2پین رشتہ دار اوار ئُ۔ پولیس دا خدشہ نا درشانی ئِ کرینے کہ سم کاری کروک آتیٹی منشیات فروش گروہ نا کارندہ غاک اوار مننگ کیرہ۔