ریاض۔ 22دسمبر (اے پی پی) سعودی عرب نا جوائنٹ فورس آک کرکی علاقہ نجران اٹی سیم پارآن یمنی باغی تا جلہو ئِ بے سہب جوڑ کریر، ہراٹی حوثی کمانڈر اسے تون اوار دسی جنگوڑو و ٹھپی مسر۔ عرب احوالکار آتارداٹ یمن نا حوثی باغی و معزول صدر علی عبداللہ صالح نا وفادار آک تدوک آدے سعودی عرب اٹی پترینگ انگ نا کوشست کریر، سعودی فوج و یمنی باغی تا نیام اٹ جھیڑہ مسہ گھنٹہ اسکان برجاسلیس۔ سعودی عرب نا اپاچی ہیلی کاپٹر و توپ خانہ غاک یمنی باغی تے سیم عبور کننگ آن مست ہی نرنگ آمجبور کننگا۔ ذرائع نا رداٹ جھیڑہ ٹی کیہی یمنی جنگوڑو تپاخت و ٹھپی مسنو۔ اوفتے ٹی اسہ اہم ئُ حوثی کمانڈر اس ہم اوار ئِ۔ گولہ باری آن یمنی باغی تا راکٹ لانچنگ اڈہ و سلہہ و گولہ بارود آتے ہم بھس کننگا۔
