جنیوا۔ 21دسمبر (اے پی پی) اقوام متحدہ فلپائن نا صدر ڈوٹیر ٹے نا برخلاف خون نا دوبہ ٹی جاست وپاست نا بناءکننگ نا خواست ئِ کرینے۔ جرمن احوالکار آتارداٹ جنیوا ٹی اقوام متحدہ نا ہائی کمشنر انسانی حق زید رعد الحسین پارینے کہ فلپائن نا عدلیہ ئِ آئین و کانود نا حکمرانی نا بابت تینا زمواری تے پورو کروئی مرے و آزادانہ جاست وپاست کرفوئی مرے۔ یات سلے کہ ڈوٹیر ٹے تدوک آ ہفتہ پاریسس کہ شار داواﺅ نا میئر شپ نا دور اٹی او روڈ آتیا گشت کرسا خلقت آتے تپاخت ہم کریسس۔ اقوام متحدہ نا رداٹ فلپائن اٹی منشیات نا برخلاف جنگ انا وخت داسال داوخت اسکان شش ہزار اسہ سد بندغ ئِ تپاخت کننگانے۔
