بن غازی۔ 19 دسمبر (اے پی پی) لیبیا نا سیکورٹی کمامدارآک پارینو کہ بن غازی شار اٹی لیبیا نا سیکورٹی کارندہ غاتیا مروک آ خودکش جلہو اٹی 7 بندغ تپاخت و 8ٹھپی مسنو۔ ارنا نا رپورٹ نا رداٹ دہشت گرد گروہ داعش گانفوداعلاقہ ٹی مروک آ دہشت گرد جلہو نا زمواری ئِ امنا کرینے۔ تدوک آ ہفتہ ہم لیبیا نا فوج انا خصوصی دستہ نا خڑک مروک آ اِرا کار بمب دھماکہ غاتیٹی 15بندغ ٹھپی مسوسر۔ 2011ءٹی نیٹو نا کرنل قذافی نا حکومت ختم مننگ آن پد آن لیبیا بے کچ بدامنی نا گواچی مرسا بننگ ئِ۔ لیبیا ٹی کیہی سلہہ بند رڑک اقتدار آ کوزہ کننگ ناکوشست کننگ ئُ وخت اس کہ داعش کون آ دہشت گرد رڑک ہم تیل انا دولت آن مالامال دا ملک اٹی تینا پنجہ غاتے زورتسنو۔
