تین پہ تینی تعلقداری تا مون آ دننگ ہڑتوم آ ملک آتا الس و علاقہ کن مفید ئِ
تہران۔ 15دسمبر (اے پی پی) ایران نا صدر ایران و انڈونیشیا نا نیام اٹ تعلقداری تا مون آدننگ ئِ ہڑتوم آ ملک آتا الس و علاقہ کن مفید گوندا۔ ایران و انڈونیشیا نا نیام اٹ کمکاری نا چار سمجھوتہ غاتیا دستخط کننگ آن پد تینا ہم منصب جوکوودودوتون اسیجائی پریس کانفرنس آن تران کرسا ڈاکٹر حسن روحانی پارینے کہ تہران و جکارتا سیاسی، اقتصادی ، دودوربیدہ ہی و سائنسی پٹ آتیٹی تین پہ تینی کمکاری نا کہول ئِ ودفنگ نا پکا ارادہ تخرہ۔ انڈونیشیانا صدر جوکوودودوداوخت آ تران کرسا پارے کہ تینا دورہ ایران ئِ ہڑتوم آ ملک آتا نیام اٹ کمکاری نا پوسکن آ باب انا بناءگوندا۔ اواومیت ظاہر کرے کہ انڈونیشیاو ایران نا نیام اٹ غٹ بشخ، خاص وڑاٹ توانائی و معیشت نا پٹ اٹی تعلقداریک ترندی اتون مون آ کارہ۔
