دمشق۔ 14دسمبر (اے پی پی) امریکی محکمہ دفاع پینٹا گون اسہ بیان اسے ٹی پارینے کہ داعش نا برخلاف سرگرم جہانی اتحادی فوج اناجنگی جہازآک چار دسمبر آ شام انا الرقہ شاراٹی کروک آ جلہو آتیٹی داعش نا مسہ اہم کمانڈر تپاخت کرینو۔ پینٹا گون نا بیان اٹی پاننگانے کہ چار دسمبر 2016ءآ کروک آ فضائی جلہو اٹی داعش نا اِرا سینئر کمانڈر صلاح قرماط و سامی جدو 13نومبر 2015ءآ فرانس اٹی کروک آ دہشت گردانہ جلہو آتا کمکار ئسر۔ چاردسمبر آ فضائی کارروائی ٹی الرقہ ٹی تپاخت کروک آ مسٹ میکو داعشی جنگوڑو نا درستی راستی ولید ھمان نا پن اٹ کننگانے۔ ولید ھمان داعش اٹی خودکش بمبار جلہو آتیان بابت معاملہ غاتیا سروک ئس۔ وخت اس کہ چارمیکو دہشت گرد انا پن ابوبکر الحکیم پنی پاننگانے۔
