استنبول۔ 11 دسمبر (اے پی پی) ترکی ئِ شہر استنبول ئَ یک لیب ئُُ گوازی مُچی جاھ سٹیڈیم ئِ ڈن ئَ دو تراک آنی سبب ئَ کم چہ کم 29مردم بیران ئُُ 166مردم ٹپیگ بوتگ اَنت۔ کارندہ آنی رد ئَ گاڑیئِ توک ئَ بمب تراک ئُُ وت کُشیں تراک ئَ چہ پولیس ئِ کارندہ آناں نشانگ بندگ بوتگ۔ ترکی ئِ صدر رجب اردوگان ئَ بیرانی آنی تسدیک کتگ بلے گیش سرجمیں ھال اھوال انگت نہ داتگ۔ آئی ئَ ایشرا یک ناشرکاری وئیل ئِ گوشتگ۔ ایشی ئَ چہ پسر تہی کارانی وزیر ئِ پارلیمان ئَ یک بیانے ئِ تہ ئَ گوشتگ اَت کہ اے اُرش ئِ تہ ئَ کساس 20پولیس کارندہ ٹپیگ بوتگ اَنت۔ تہی کارانی وزیر سلمان صولو ئَ گوشت کہ بنداتی ھال آنی رد ئَ یک گاڑیگ ئِ بمب بستگ ئُُ پولیس ئِ بس ئَ نشانگ بستگ بوتگ۔
