طرابلس۔ 09دسمبر (اے پی پی) لیبیا ٹی اتحادی حکومت نا سیکورٹی فورس آک امدادی ادارہ ہلال احمر نا کارندہ غاتا کمک اٹ کرکی علاقہ الجیزہ ٹی شدت پسند ’داعش‘ نا آخریکو ٹھکانہ غان 266شدت پسند جنگوڑوآتا لاش آتے دوئی کرینو۔ دا جنگوڑوآتے لیبی فورس آک ساڑی آ دے تیٹی ’بنیان المرصوص‘ آپریشن نا وخت آ خلکوسر۔ العربیہ ٹی وی نا رداٹ ’بنیان المرصوص‘ میڈیا سینٹر نا کنڈآن جاری کروک اسہ بیان اسے ٹی پاننگانے کہ جمعہ آ کرکی الجیزہ کالونی آن داعش نا آخریکو ٹھکانہ ئِ ہم کلیئر کرفنگانے۔ داوخت آ فورس آک ہلال احمر نا کارندہ غاتا کمک اٹ داعش نا 230 جنگوڑوآتا لاش آتے دوئی کننگا وخت اس کہ تدوک آ دے جم وڑاٹ داعشی جنگوڑوآتا 266لاش آتے کوزہ ٹی ہلنگانے۔
