آفٹرشاکس آتا چرجوئی برجا، سونامی نا وارننگ ئِ جاری کننگ تنے
جکارتہ۔ 07دسمبر (اے پی پی) انڈونیشیا ٹی 6.8شدت نا زمی جمب اٹی 25بندغ تپاخت و چندیک ٹھپی مسنو۔ نجی ٹی وی چینل نا رداٹ انڈونیشیا نا صوبہ آچے تون اوار چندی علاقہ غاتیٹی بروک آ زمی جمب بھس کاری اس کرے۔ زمی جمب آن چندی ماڑیک بھس آتا ڈھیر اس جوڑ مسر۔ زمی جمب اٹی 25بندغ تپاخت و چندیک ٹھپی مسنو۔ انڈونیشیا نا زمی جمب نا احوال تروک آبنجانا رپورٹ نا رداٹ ریکٹر اسکیل آ زمی جمب نا شدت 6.8ریکارڈ کننگا وخت اس کہ اونا ڈغار اٹی گہرائی 17کلومیٹر ئس ۔ زمی جمب آن زیات زہمی مروک آ ضلع پیدے جیا نا ڈپٹی چیف نا پاننگ ئِ کہ ہسپتال آن ہلوک آ حساب وکتاب نا رداٹ داوخت اسکان درزن آن زیات بندغ نا تپاخت پک مسنے وخت اس کہ کیہی درزن بندغ ٹھپی مسنو ہرافتے طبی آسراتی تننگ انگ ئِ۔ اوڑے انڈونیشیا نا نیشنل ڈیزاسٹرمینجمنٹ نا رداٹ زمی جمب نا سوب چندی دکان وماڑیک بھس مسنو ہرانا سوب چندی بندغ آک داسکان ملبہ ٹی پھسائنگوک ئُ ہرافتے ہیوی مشینری نا کمک اٹ پیشن کشنگ انگ ئِ۔ کمامدارآتارداٹ زمی جمب آن پد آفٹرشاکس آتا چرجوئی ہم جاری ئِ ہراکیہی گھنٹہ اسکان برجاسلنگ کیک ولے سونامی نا وارننگئِ جاری کننگ تنے۔