منامہ۔ 07دسمبر (اے پی پی) خلیجی ریاست بحرین نا میزبانی ٹی 37می خلیج سروک کانفرنس آن تران کرسا سعودی عرب نا فرمانرواشاہ سلمان بن عبدالعزیز دہشت گردی و فرقہ واریت ئِ ڈیہہ نا سلامتی کن غٹ آن بھلو خلیس گوندانے۔ اوڈیہہ نا ملک آتا رکھ و دیرپا اقتصادی شونداری کن اسہ ایلو تون اواری اٹ کاریم کننگ نا گرج آ زورشاغا۔ یمن نا بارواٹی ہیت کرسا شاہ سلمان پارے کہ او دا جنگ ئِ ایسری انجام اسکان سرکیک بغاوت لتاڑنگ اسکان آپریشن ئِ برجاتخنہ۔ شام انا لس تون پورو یکجہتی نا درشانی ئِ کرسا خادم الحرمین الشریفین پارینے کہ جہانی برادری ئِ مرے کہ او شام انا تنازع نا پرامن و سیاسی ایسری کن دمدستی و گچین گام گیج کے۔