مابوتو۔ 18نومبر (اے پی پی) موزمبیق اٹی تیل آن پُر اسہ ٹرک اسے ٹی مروک آ دھماکہ آن 73بندغ تپاخت و 100 آن زیات ٹھپی مسنو۔ میڈیا رپورٹس آتا رداٹ ٹھپی مروک آتیٹی کیہی بندغ نا حالیت نازرک ئِ۔ اسہ سرکاری بیان اسے ٹی پاننگانے کہ داشکست ہمووخت پیش بس ہراتم خلقت آک ملاوی نا سیم انا خڑک چپی مروک آ ٹرک آن تیل کشنگ نا کوشست کریرہ کہ دھماکہ مس۔ موز مبیق نا وزارت اطلاعات نا ڈائریکٹر دا واقعہ نا جاست و پاست نا حکم ترسا پارینے کہ دُن مننگ کیک کہ شاریک گھات خلسا تیل آن پُر ٹرک آ جلہو کرور، حکومتی وزراامدادی کاریم و انکوائری نا چاروکی کن شکست نا جاگہ نا دورہ ئِ کیرہ۔ موز مبیق نا شمار دنیا نا نیزگار انگا ملک آتیٹی مریک و دانا نیمہ غان زیات آبادی نیزگاری نالکیر آن شیف تینا زند ئِ تدیفنگ ئُ۔
