کابل۔ 16نومبر (اے پی پی) اوغانستان نا دارالحکومت کابل اٹی خود کش جلہو اٹی اِرا سیکورٹی کارندہ غاتون اوار 4بندغ تپاخت و 11ٹھپی مسنو۔ ننگرہار اٹی اسہ فضائی جلہو اسے ٹی کمانڈر تون اوار مسہ عسکریت پسند تپاخت کریر، سرائے پل اٹی بیدادی نا واقعہ غاتیٹی 9طالبان، اِرا پولیس و اسہ آرمی کارندہ اس تپاخت کرے۔ اوغان میڈیا نارداٹ کابل اٹی وزارت داخلہ نا ترجمان پارینے کہ تدوک آ دے دارالحکومت نا بنجائی علاقہ ٹی اسہ خودکش جلہو گیر اس سیکورٹی فورس آتا اسہ گاڈی اسے نشانہ جوڑ کرے ہراٹی 4بندغ تپاخت و 11ٹھپی مسر۔ اوپارے کہ خودکش جلہو گیر پند اٹی ئس و کہوک آتیٹی اِرا سیکورٹی کارندہ ہم اوارئِ۔ داوخت اسکان ہچ ئُ رڑیا تنظیم اس دا جلہونا زمواری ئِ امنا کتنے۔ اسہ پین سیکورٹی ذرائع اس پارینے کہ ہراگاڈی ئِ نشانہ جوڑ کننگا او وی آئی پی پروٹوکول اٹی اوار ئس ۔ صوبہ ننگر ہار اٹی اسہ فضائی جلہو اسے ٹی کمانڈر تون اوار مسہ عسکریت پسند تپاخت کریر۔ کمامدارآتارداٹ فضائی جلہو غنی خیل ضلع ٹی کننگا۔ صوبہ سرائے پل اٹی بیدادی نا واقعہ غاتیٹی 9طالبان، اِرا پولیس و اسہ آرمی کارندہ اس تپاخت کرے۔ صوبہ نیمروز اٹی سلہہ بند بندغ آک مسیت نا امام اسے کسفیر۔
