دمشق۔ 14نومبر (اے پی پی) شام انا سیمی قطبی علاقہ غاتیٹی ترک سلہہ بند فوج انا تازہ جلہو اٹی داعش نا کمانڈ اینڈ کنٹرول بنجا، گولہ بارود نا ڈپو و ہیڈکوارٹرتون اوار 15ماڑی تے بھس کننگانے۔ ہندی ذرائع نارداٹ ساڑی آ جھیڑہ غاتیٹی 9شدت پسند تپاخت و 52معمولی ٹھپی مسنو۔ تال بیان نا علاقہ غا کوزہ کننگ نا کوشست کروک آ پی وائے ڈی و پی کے کے نا دہشت گرد آتیا توپ و ٹینک آتے اٹ گولہ باری کننگا ہرانا نتیجہ ٹی 10 دہشت گرد تپاخت کریر۔ داکان بیدس الباب نا علاقہ ٹی ترک سلہہ بند فوج انا جلہو اٹی داعش ناکمانڈ کنٹرول بنجائ، گولہ بارود نا ڈپوو ہیڈکوارٹر آتون اوار 15ماڑی تے بھس و 35دہشت گرد آتے تپاخت کننگانے۔
