جکارتہ۔ 02نومبر (اے پی پی) انڈونیشیانا خڑک سمندر اٹی کشتی اسے نا ڈوبینگ انگ نا نتیجہ ٹی 20بندغ تپاخت و 30آن زیات بے گواہ مسنو۔ میڈیا رپورٹس آتا رداٹ کشتی ئِ چارشنبے نا سہب داحادثہ پیش بس ہراتم او ملائیشیاآن انڈونیشیانا جزیرہ باٹام نا سفر آ ئس۔ کشتی ٹی 93بندغ سوارئسر۔ ہندی پولیس چیف سام بودی گسڈیان پارے 20بندغ نا لاش تے کشنگانے و 39ئِ بچفنگانے۔ اوپارے کہ 30آن زیات بندغ داسکان بے گواہ ئُ ہرافتا پٹنگ نا عمل جاری ئِ۔ پولیس ئِ شک ئِ کہ کشتی آ گنجائش آن زیات بندغ سوارئسر و ہنداسوب حادثہ پیش بس۔ گمان ظاہر کننگ انگ ئِ کہ کشتی آ سوار بندغ آک ملازمت کن ہجرت کریرہ۔
