اوغانستان اٹی خودکش جلہو اٹی اِرا امریکی فوجی ٹھپی
کابل۔ 27اکتوبر (اے پی پی) اوغانستان نا سیکورٹی فورسز آک کارروائی تیٹی شدت پسند تنظیم داعش نا 34باسک آتے تپاخت کننگ نا داوا کرینو، پروان اٹی خودکش جلہو اٹی اِرا امریکی فوجی ٹھپی مسنو۔ اوغان میڈیا نا رداٹ وزارت دفاع نا کنڈآن کابل اٹی جاری مروک آ اسہ بیان اسے ٹی پاننگانے کہ آپریشن شاہین اٹی داعش نا 34جنگوڑو تپاخت کریر۔ بیان اٹی دابابت پین سرجم احوال تننگ تنے۔ امریکی فوجی کمامدارآک پاریر کہ تدوک آ دے اسہ خودکش جلہو و بارودی سرنگ نا دھماکہ اسے ٹی اِرا فوجی ٹھپی مسنو۔ ہڑتوم آ واقعہ غاک نیامی صوبہ پروان نا علاقہ باگرام اٹی پیش بسر۔ امریکی فوج دارداٹ پین سرجم احوال فراوان کتو۔
