بغداد۔ 25اکتوبر (اے پی پی) عراق نا دارالحکومت بغداد نا کیہی علاقہ غاتیٹی بمب دھماکہ غاتیٹی 8 بندغ تپاخت کریر۔ میڈیا رپورٹس نا رداٹ وزارت دفاع نا اسہ افسر اسینا گاڈی ابوغریب علاقہ آن گدرینگاکہ کہ اناگت اوٹی دھماکہ مسنے ہراٹی عراقی افسر و اونا ڈیور تپاخت کریر۔ بغداد نا سویل دے ٹکی علاقہ زعفرانیہ ٹی اسہ شاپنگ مال اسے نا خڑک دھماکہ ٹی اِرا بندغ تپاخت کریر و یانزدہ ٹھپی مسر۔ السیدیہ نا علاقہ ٹی مروک آ بمب دھماکہ ٹی ہم اسہ بندغ اس تپاخت و شش بندغ ٹھپی مسر وخت اس کہ بغداد نا قطبی علاقہ اعظمیہ ٹی ہم کاربمب انا اسہ دھماکہ اسے ٹی اسہ لس شاری اس تپاخت کرے۔ داوخت اسکان ہچ ئُ رڑاس دا بمب دھماکہ غاتا زمواری ئِ امنا کتنے۔
