واشنگٹن۔ 25اکتوبر (اے پی پی) امریکہ کوئٹہ ٹی پولیس ٹریننگ اکیڈمی آ دہشت گرد جلہو نا مذمت ئِ کرینے۔ امریکی محکمہ خارجہ نا ترجمان جان کربی سے شنبے آ کوئٹہ ٹی پولیس ٹریننگ اکیڈمی آ دہشت گردی نا جلہو نا مذمت ئِ کرسا شہید مروک آ کارندہ غاتا خاہوت آتون تینا ڈکھ و افسوز کرسا جلہو اٹی ٹھپی مروک آتا زوت جان جوڑی کن نیک است خواہی تا درشانی ئِ کرینے۔ ترجمان پارے کہ نن جلہو اٹی تپاخت کروک آ، ہرافتے ٹی پبلک سروس اٹی کیریئر جوڑ کننگ نا خواہش تخوک آ بروک آ پولیس کیڈٹس آک ہم اوارو، نا خاہوت آتون دلی ہڑزخواہی کینہ۔ نن مشکل و ڈکھ انا داساہت اٹی پاکستان نا الس و حکومت تون تفوک اُن و نن دہشت گردی نا خلیس آتون مون تننگ کن پاکستان و مچ آ ڈیہہ ٹی تینا شریدار آتون کاریم کرساکینہ۔
