بغداد۔ 18اکتوبر (اے پی پی) عراقی دارالحکومت بغداد نا سویل اٹی خودکش کار بمب دھماکہ ٹی 10بندغ تپاخت و 25ٹھپی مسنو۔ عراقی پولیس کمامدارآک میڈیا ئِ پاریر کہ جلہو اٹی بارود آن پُر اسہ گاڈی اسے نا کمک اٹ نیم فوجی ملیشیانا اسہ قافلہ اسے نشانہ جوڑ کننگا۔ دا جلہو اٹی ٹھپی مروکا بندغ آتے ہسپتال آ گدریفنگانے۔ ہسپتال ذرائع نا رداٹ گڑاس ٹھپی مروک آتا حالیت نازرک ئِ ہنداخاطران تپاخت کروک آتیٹی پین ودکی نا گمان ئِ ۔ یات سلے کہ عسکریت پسند تنظیم داعش اینخو سال انا وخت عراق اٹی سرکاری تنصیب آتون اوار کیہی علاقہ غاتیٹی جاری تینا جلہو آتیٹی پین ودکی کرینے۔
