اقوام متحدہ۔ 18اکتوبر (اے پی پی) یمن کن اقوام متحدہ نا خصوصی نمائندہ اسماعیل عولد شیخ احمد یمن اٹی 3دے ئی جنگ بندی نا پڑو ئِ کرینے ہراڑآ عملدرآمد نا بناءاینو(چارشنبے ) آن مریک۔ خصوصی نمائندہ نا کنڈآن جاری بیان اٹی پاننگانے کہ بیدادی و کشت و خون نا واقعہ غاتیٹی تعطل و داوخت انا نیام اٹ امدادی سرجزآتا رفتار ترند مریک۔ داکان مست یمنی وزیر خارجہ عبدالمالک المخلفی ہادی 72گھنٹہ کن جنگ بندی معاہدہ نا تصدیق ئِ کرسا پارے کہ جنگ بندی نا دا مرک اٹی ودیکی ہم مننگ کیک۔ اوپارے کہ جنگ بندی ٹی ودیکی نا دروشم اٹی تعزکا محاصرہ ہم چٹفنگ مریک۔ حوثی باغیک جنگ بندی نا پڑو آ دمدستی وڑاٹ ہچ ئُ تران اس کتنو۔
