بغداد۔ 17اکتوبر (اے پی پی) عراقی وزیراعظم حیدر العبادی پڑو کرینے کہ داعش نا کنٹرول آن موصل شار ئِ آجوکرفنگ کن آپریشن نا بناءکننگانے۔ برطانوی نشریاتی ادارہ نا رداٹ موصل ئِ داعش نا کنٹرول آن آجو کرفنگ کن ڈٹ بندی کیہی توآن جاری ئس۔ عراقی وزیراعظم فوجی کارروائی نا پڑو ئِ کرسا پارینے کہ موصل ئِ آجو کرفنگ نا وخت بسنے۔ اوپارے کہ او دا پڑو ئِ کیک کہ آپریشن نا بنا مسنے تانکہ نمے داعش نا بیداد و دہشت گردی آن آجو کرفنگ مرے۔ ارٹ میکو کنڈا پناہ گزین آن بابت اقوام متحدہ نا ادارہ یو این ایچ سی آر نا ترجمان ادران ایڈورڈ پارینے کہ دامعرکہ آن شدید انسانی بحران ودی مننگ کیک۔ یات سلے کہ 2014ءٹی عراق نا کیہی علاقہ غاتیا داعش نا کوزہ آن گڈ 33لکھ 80ہزار بندغ تینا اُراتے ہلنگ آ مجبور مسوسر۔
