تاشقند۔ 17اکتوبر (اے پی پی) اسلامی کمکار تنظیم او آئی سی نا وزیر خارجہ غاتا 2دے ئی دیوان (اینو) سے شنبے آن ازبکستان نا دارالحکومت تاشقند اٹی بناءکننگ ئِ۔ درملکی میڈیا نا رداٹ دیوان اٹی تنظیم نا باسک ملک آتا وزیر خارجہ و وزارت خارجہ نا کمامدارآک شرکت کیرہ۔ سیاسی معاملہ غاتے کن تنظیم نا ڈائریکٹر جنرل طارق علی بخیت میڈیا ئِ پارے کہ کویت نا وزیر خارجہ دیوان نا اولیکو سیشن نا میزبانی ئِ کیک۔ ازبکستان نا عبوری صدر شوکت مزائیوف افتتاحی سیشن اٹی شریک مریک۔ داوخت آ تنظیم نا سیکرٹری جنرل ایاد امین مدنی نا کلہو ئِ خوانسا بنفنگک۔ ہراٹی اسلامی ملک آتے مون تروک جتا چیلنج، مشکلات و سیاسی، اقتصادی و راجی معاملہ غاتا احاطہ ئِ کننگک۔ دیوان اٹی فلسطین ، شام ، عراق، مالی و میانمر نا بابت قرارداد پیش مننگ ناہم گمان ارے۔
